fk4heim.jpg

Fréttir

Aðalfundur 2019

Aðalfundur Félags kvikmyndagerðarmanna verður haldinn laugardaginn 25. maí kl. 16.00 
í Slippnum – Hótel Marina við Mýrargötu.
Aðalfundurinn fer fram samkvæmt lögum félagsins.
Dagskrá:
Skýrsla stjórnar
Endurskoðaðir reikningar félagsins
Lagabreytingar ef einhverjar eru
Kosning stjórnar
Ákvörðun um fast félagsgjald
Kosning endurskoðanda
Önnur mál
Óskað er eftir framboðum í stjórn félagsins.

Vinsamlega sendið póst með framboðum á netfangið This e-mail address is being protected from spambots. You need JavaScript enabled to view it. 
ef þið hafið áhuga á að taka virkan þátt í starfsemi félgasins.

 
Úthlutanir úr höfundasjóði

Félag kvikmyndagerðarmanna auglýsir eftir umsóknum til úthlutunar úr höfundasjóði félagsins fyrir kvikmyndir sem frumsýndar voru í sjónvarpi eða kvikmyndahúsum, gefnar út á DVD, eða birtar með öðrum hætti fyrsta sinn annarsvegar á árunum 2013-2015 og hinsvegar 2016.

Rétt til úthlutunar skv. samþykktum FK eiga:

  • - Kvikmyndastjórar (ekki leiknar myndir)
  • - Kvikmyndatökumenn
  • - Klipparar
  • - Hljóðhöfundar
  • - Ljósahönnuðir

 

Hægt er að sækja umsóknareyðublað hér.


Umsóknir skulu berast:


Félagi kvikmyndagerðamanna,
pósthólf 1652, 121 Reykjavík.

eða á tölvupósti til This e-mail address is being protected from spambots. You need JavaScript enabled to view it.

 

Umsóknarfrestur er til 21. júní 2018.
Ekki verður tekið tillit til umsókna sem berast eftir þann tíma.

 
Yfirlýsing frá FK, stéttarfélagi kvikmyndagerðarmanna.

Stéttarfélag kvikmyndagerðamanna hefur að leiðarljósi í starfi sínu í þágu kvikmyndagerðar á íslandi að betrumbæta vinnuumhverfi allra sinna félagsmanna sem og allra þeirra kvikmyndagerðamanna og kvenna sem starfa við þennan geira. í Ljósi þeirra frásagna sem hafa litið dagsins ljós uppá síðkastið vill FK koma því á framfæri að það styður heilshugar þá hugarfarsbreytingu og menningarbyltingu sem við erum að upplifa í kringum okkur þessa stundina. Kynferðisleg áreitni, valdníðsla, eða einelti hvernig sem það birtist verður ekki liðið á vinnustöðum í sviðslistum og kvikmyndagerð
FK mun setja upp síma og netfang þar sem þolendur ofbeldis og áreitis af hvaða toga sem það er geta haft samband og fengið stuðning og leiðbeiningar um hvernig þær/þeir geta borið sig að við að koma kvörtunum sínum á framfæri og fengið úr því bætt sem að er.
Stjórn FK
This e-mail address is being protected from spambots. You need JavaScript enabled to view it.
S: 680 7225

 
FRÁ FORMANNI RSÍ TIL KVIKMYNDAGERÐARMANNA

 

Ágæti kvikmyndagerðarmaður,

Á þeim tímamótum að Félag kvikmyndagerðarmanna hefur gengið inn í Rafiðnaðarsamband Íslands (RSÍ) vill ég bjóða þig sem félagsmann þess velkominn inn í Rafiðnaðarsambands fjölskylduna. Í RSÍ voru fyrir 8 aðildarfélög sem halda utan um sína félagsmenn úr mismunandi áttum. Við erum með fjögur félög sem halda utan um þá sem eru með menntun í rafvirkjun, rafveituvirkjun, rafvélavirkjun og símsmíði en þau hafa mismunandi félagssvæði um landið. Auk þess er félag fyrir rafeindavirkja, annað fyrir tæknifólk í rafiðnaði, starfsmenn hjá Símanum og dótturfyrirtækjum sem og sýningarstjórar við kvikmyndahús.

RSÍ gerir fjölda kjarasamninga fyrir félagsmenn sína en þó er einn kjarasamningur sem telst til þess að vera almennur kjarasamningur og setur þar með lágmarkslaun fyrir félagsmenn RSÍ á Íslandi. Þetta þýðir að óheimilt er fyrirtækjum að greiða laun sem eru undir töxtum kjarasamningsins en ekki síður að láta starfsmenn njóta réttinda sem eru lakari en kjarasamningurinn segir til um. Aðrir kjarasamningar eru sérkjarasamningar sem geta tryggt betri kjör, réttindi og mögulega aðrar skyldur.

Það er mér sönn ánægja að fá þig inn í samfélag rafiðnaðarmanna og vona ég að við eigum eftir að eiga gott samstarf á næstu árum. Hafir þú spurningar um starfsemi okkar, réttindi eða skyldur, rétt til styrkja eða hvað svo sem kemur upp þá hvet ég þig til að hika ekki og hafa samband við skrifstofuna hvort sem það er með því að senda tölvupóst á This e-mail address is being protected from spambots. You need JavaScript enabled to view it., hringja í síma 580-5200 eða hreinlega að kíkja við í kaffi á Stórhöfða 31, 3. hæð.

Kær kveðja,

Kristján Þórður Snæbjarnarson

 

 
Haldið upp á árin 50

SVIPMYNDIR FRÁ 50 ÁRA AFMÆLI FÉLAGSINS

Kvikmyndagerðarmenn heldu upp á 50 ára afmæli félagsins í Ægisgarði gærkveldi. Margt var um góða gesti og borgarstjórinn í Reykjavík ávarpaði afmælisfögnuðinn. Hrafnhildur Gunnarsdóttir formaður félagsins og Björn Br. Björnsson ávörpuðu einnig afmælisgest. Það má nálgast ávörp þeirra á vef félagsins http://filmmakers.is/greinar

Dagur B. Eggertsson borgarstjóri Reykjavíkur óskað FK til hamingju með afmælið og sagði gestum frá áformum borgaryfirvalda út í Gufunesi þar sem áætlanir eru uppi um að hlúa að nýsköpun og frumkvöðlastarfi í kvikmyndageiranum. 

Ljósmyndir Stefanía Thors og Anna Þóra Steinþórsdóttir

6 FÉLÖGUM VEITT HEIÐURSFÉLAGANAFNBÓT

Sex félögum var í gær veitt heiðursfélaganafnbót á 50 ára afmæli félagsins. Það voru þau: Gísli Sigurgeirsson, Gunnar Baldursson, Ingibjörg Briem, Magnús Magnússon, Valdís Óskarsdóttir og Þorsteinn Helgason. Þau hljóta heiðursfélagatitilinn fyrir vel unnin störf í sjónvarps- og kvikmyndagerð. Heiðursfélaganafnbótin er sæmdarheit sem hlotnast fyrir mikilsvert framlag til eflingar félaginu og/eða kvikmyndagerðarmönnum og konum sem eiga að baki farsælan starfsferil sem kvikmyndagerðarmenn. Við óskum heiðursfélögum til hamingju og þökkum þeim fyrir vel unnin störf.

Valdís Óskarsdóttir sést hér taka við heiðursfélaganafnbótinni í gærkvöldi en hún og Ingibjörg Briem eru fyrstu konurnar sem hljóta þessa nafnbót.

 

Straumar héðan og þaðan

Iceland Cinema Now

Félag kvikmyndagerðamanna / The Icelandic Film Makers Association | Hverfisgata 54 | 101 Reykjavík | Iceland
Vefhönnun: Hugsa sér!