Fréttir

40.stk einna mínútu myndir á síðuna !

Þær eru að renna núna vikulega inn á síðuna allar einna mínútu myndirnar sem gerðar voru árið 2006 í tilefni af 40 ára afmæli félagsins !
Nú þegar eru átta myndir komnar inn. Þær eru eftir Elvar Gunnarsson, Gunnar Karlsson, Ásgrím Sverrisson, Júlíus Kemp, Lárus Jónsson, Robert Douglas, Helga Sverrisson og Önnu Rögnvaldsdóttir!
"Nálgunarbann" eftir Önnu Rögnvaldsdóttir má sjá hérna á forsíðunni, niðri til hægri.
Hvern mánudag bætast við alltaf 1-2 myndir í safnið þar til 40.stk eru komin inn !
Endilega fylgist með. Þetta eru mjög fjölbreyttar myndir frá mörgu okkar færasta kvikmyndagerðarfólki.

Regnboginn - heimili kvikmyndanna

Undirbúningshópur um bíótek (cinematheque) í Regnboganum við Hverfisgötu fagnar ákvörðun borgarráðs um að veita alls 1 seq_2007_regnboginn

2 milljónum króna til þessa mikilvæga verkefnis. Fénu verður annarsvegar varið í breytingar á forsölum og framhlið hússins og hinsvegar í að ýta starfseminni úr vör.

Stefnt er að því að starfsemi hefjist í september og verður reglulega boðið uppá fjölbreytt úrval kvikmynda, gamalla og nýrra, úr öllum áttum og við hæfi allra aldurshópa. Í Regnboganum verður aðsetur kvikmyndahátíða og sérstök áhersla verður lögð á að kynna börnum og unglingum kvikmyndasöguna, innlenda og erlenda, með sérstökum skólasýningum. Stefnt er að því að þær hefjist á næsta ári. Þarna verður einnig að finna kaffihús og verslun með mynddiska, bækur og annað kvikmyndatengt efni. Verður Regnboginn því áfangastaður allra þeirra sem vilja dvelja í heimi kvikmyndanna til lengri eða skemmri tíma.

Undirbúningur þessa verkefnis hefur staðið yfir frá síðasta ári. Sérstakt félag um reksturinn verður stofnað á næstu dögum. Það verður í eigu fagfélaga kvikmyndagerðar, dreifingaraðila kvikmynda, Alþjóðlegrar kvikmyndahátíðar í Reykjavík og nýstofnaðra samtaka kvikmyndaunnenda. Auglýst verður eftir framkvæmdastjóra hins nýja félags nú um helgina.

Nánar...